Internet, un instrumento para a participación cidadá.
A comunicación establece nun primeiro estadio o marco teórico que configura o alcance da mediación dos medios na construción da cidadanía e da identidade. Para abordar de seguido os campos experimentais aportados polas TIC para as novas prácticas democráticas de participación cívica. Singularizando en Internet ese mesmo potencial, para o que é preciso deslindar a súa dimensión como tecnoloxía da información e a súa outra dimensión como tecnoloxía social. Demostrando que é nesta súa segunda dimensión como asume as condicións de medio, capacitado para fomentar espazos de mediación no escenario do glolocal.
