A sociedade da información é un contexto indispensable no exame das novas tecnoloxías da comunicación pero, ao mesmo tempo, é un obxecto de estudo en si mesma. Nese estudo foron frecuentes os enfoques que a idealizan ou a deostan. Ademais dese esquematismo, cómpre recoñecer e enfrontar problemas na investigación da sociedade da información, como a rapidez con que se modifican os obxectos de estudo; o risco de soamente comentar, sen analizar, os usos de tales tecnoloxías; a tensión entre reflexión conceptual sen apoios empíricos e reprodución de datos sen enfoques teóricos; a debilidade ou novidade de correntes teóricas neste campo; o reto da interdisciplinariedade; a necesidade de poñer en cuestión os lugares comúns que se acuñaron para simplificar a explicación dos temas relacionados coa sociedade da información. A exposición fará referencias ao estudo destes asuntos en distintos países iberoamericanos.

Descargar ponencia completa