O desenvolvemento das Tecnoloxías da Información e a Comunicación e o alcance da globalización están a cambiar a natureza e o significado da identidade colectiva e a dinámica da súa propia construción. Por unha banda, as TIC abriron unha enorme cantidade de canles de comunicación que atravesan fronteiras a gran velocidade e crean unha tremenda cantidade de novas imaxes e hábitos. Doutra banda, a globalización provoca maior mobilidade. Mobilidade de bens, de información e de persoas. Como afecta esta mobilidade á construción da identidade? Neste relatorio centrareime na difusión global de formas culturais a través dos medios de comunicación, a apropiación local destas formas e o impacto deste proceso de globalización e localización de significados na construción das identidades colectivas.