Francisco Sierra Caballero [Texto PDF] Profesor da Universidade de Sevilla Decano da Facultade de Ciencias da Comunicación Cando no ano 2010 moitas das nacións da rexión celebren os bicentenarios da súa independencia, a Comunidade Iberoamericana de Nacións dará pasos decisivos na integración dun mesmo espazo de educación superior ao adoptar o sistema de validación e organización académica do crédito europeo. Os investimentos de empresas de telecomunicacións e multimedia en América Latina profundarán ao tempo na presenza da lingua castelá e das culturas latinas diversas e multiétnicas de Iberoamérica nos mercados globais, estreitando aínda máis os fluxos e intercambios comerciais no sector da comunicación e a cultura. Neste escenario, a Comunicoloxía iberoamericana debe tratar de avanzar en protocolos de validación, organización interna e proxectos de traballo conxuntos que contribúan ao desenvolvemento da formación e investigación en comunicación. De acordo co Protocolo de Guadalajara, parece preciso neste contexto contribuír ao fortalecemento da comunidade académica de ciencias da comunicación. Nesta liña, un obxectivo prioritario da I Conferencia Nacional de Comunicación é convocar aos máximos representantes de asociacións e iniciativas de investigación rexional a fin de: 1. Coñecer as políticas e programas rexionais en materia de comunicación e cultura, así como os obstáculos e dificultades para o asociacionismo e cooperación das sociedades científicas nacionais nun espazo común. 2. Analizar os problemas informativos, culturais e institucionais de integración cultural e económica de Iberoamérica. 3. Definir políticas científicas e académicas de colaboración e desenvolvemento dun espazo común de traballo e produción intelectual en materia de comunicación e cultura. 4. Avanzar programas de traballo para proxectar a investigación iberoamericana en comunicación no sistema internacional de ciencia e tecnoloxía ante as demandas da Sociedade da Información.

Erick Rolando Torrico Villanueva Profesor da Universidade Andina Simón Bolívar. Presidente da Asociación Iberoamericana de Investigadores da Comunicación (ALAIC)

María Teresa Quiroz Profesora da Universidade de Lima. Presidenta da Federación Latinoamericana de Facultades de Comunicación Social (FELAFACS)

José Marques de Melo Profesor da Universidade Metodista de Sao Paulo. Presidente da Asociación Brasileira de Ciencias da Comunicación (INTERCOM)

Giuseppe Richeri Profesor da Universidad de Lugano. Decano da Facultade de Ciencias da Comunicación

Francisco Campos Freire Profesor da Universidade de Santiago de Compostela. Secretario da Asociación Galega de Investigadores e Investigadoras en Comunicación (AGACOM)

Alfons Martinell Sempere Director Xeral de Relacións Culturais e Científicas do Ministerio de Asuntos Exteriores de España