Xosé López García [Texto PDF] Profesor da Universidade de Santiago de Compostela A expresión sociedade da información indica unha nova forma de organización da sociedade e da economía. Trátase dunha sociedade que aparece definida pola revolución tecnolóxica, a reorganización do sistema socioeconómico -mundialización/globalización- e a consolidación dun modelo organizativo en rede -fronte ás tradicionais organizacións xerárquicas verticais-. Estes tres alicerces que sustentan o novo modelo de sociedade provocan, nesta fase de tránsito que caracteriza o actual momento, importantes cambios sociais e culturais. E, ao mesmo tempo, advírtense importantes desequilibrios e brechas. De feito, os centros de produción de información están cada vez máis polarizados en USA e Europa, polo que a información de África e Asia ten moi pouca presenza no mundo. Na sociedade da información o acceso á información ten carácter xeral e ilimitado. Internet converteuse no novo paradigma da comunicación total. Agora, a maioría das entidades e institucións converteuse dalgún xeito en ao producir e difundir información en distintos produtos na rede, o que abre un novo panorama comunicativo tanto para os cidadáns como para os medios tradicionais de comunicación e para os novos medios. Internet é un espazo interactivo, o que provoca cambios en todo o panorama comunicativo e xornalístico. Todos os niveis de comunicación (mediática ou non) na sociedade da información vense condicionados polas tecnoloxías e en todos os niveis a comunicación efectiva é cada día máis difícil. Por este motivo, na mesa analizaranse as características da nova forma de organización da sociedade e os desafíos que implican estes cambios para os cidadáns, para a comunicación mediada tecnoloxicamente, para os medios de comunicación e para os profesionais da información. Analizarase a ecoloxía da comunicación na era dixital e prestarase especial atención á redefinición do sistema de comunicacións, ás transformacións no conxunto dos media, e aos cambios no traballo dos profesionais e ao seu perfil para os diferentes medios.

Raúl Trejo Delarbre Profesor da Universidade Nacional Autónoma de México

Jordi Vilaseca Profesor da Universidade Oberta de Catalunya

Tapio Varis Profesor da Universidade de Tampere. Asesor en educación do Consello de Europa. Asesor en educación do Consello de Europa